pithayá

[links] articles on 72 ST political activists charged with crimes

Pam — Wed, 05 Nov 2008 05:28:57 +0000

From inquirer.net S. Tagalog activists fear crackdown | S. Tagalog militants warned vs crackdown | Peasant leader arrested on murder rap

From bulatlat.com 72 Southern Tagalog Activists Charged with Common Crimes | Crackdown vs Southern Tagalog Activists Continues; Peasant Leader Arrested

Statements from BAYAN and BAYAN-ST >> Stop the Criminalization of Southern Tagalog Political Activists | MEDIA ADVISORY: Militant groups to stage rally against DOJ

72 Southern Tagalog Activists Charged with Common Crimes

Pam — Wed, 05 Nov 2008 03:00:35 +0000

Click the link below

72 Southern Tagalog Activists Charged with Common Crimes

Posted using ShareThis

Pasalubong noong Lunes*

Pam — Wed, 15 Oct 2008 09:45:55 +0000

Hindi kaayaayang pasalubong ang inuwi namin sa elbi noong lunes. Kaiba sa mga dating bitbit namin na balita. Hindi mga katagang “tagumpay tayo mga kasama!” ang naisambulat, kundi simpleng iling at tungo na lamang.

Sa habahaba ba naman ng mga itinakbo ng mga kampanya, hindi ko lang talaga natanaw na matatapos na lamang na hindi natin hawak ang kinabukasan.

Tama na ang pagmomoda. Ndi pa naman tapos ang larga ng laban.

Marami pang mga naka-ambang problema, kailangan nang magtiyak ng susunod na hakbang.

Hinga lang tayo ng saglit. Ihanda ang mga sarili. Sama-sama ulit tayong susulong upang makamit ang tagumpay

Sawi sa araw na ito

*Sept 29, 2008-UPLB Chancellor Selection during the Board of Regents Meeting

Postscript: Hindi ko gusto ang napiling Chancellor. T_T

Panawagan sa mga Iskolar ng Bayan

Pam — Sun, 06 Jul 2008 04:13:13 +0000

Mga kapwa ko iskolar ng bayan, ano ba ang gusto niyo na balik-tanawin ng mga iskolar ng bayan sa susunod na limampung taon o sa susunod na isang daang taon? Gusto niyo bang balik-tanawin ng mga iskolar ng bayan na ang batch 2004, 2005, 2006, 2007, 2008 sa panahon ng sentenaryo ng UP ay nagpalamon sa mga taktika ng administrasyon? nagwalang kibo sa bawat pataw ng mga polisiya? O ang nais niyong balik-tanawin ng mga iskolar ng bayan ay ang memorya na kung saan ang mga iskolar sa panahong ito ay nagorganisa at nanindigan sa kabila ng mga panggigipit ng administrasyon, na kumilos at nagpamulat sa mga kapwa iskolar ng kahalagahan ng aktibong pakikilahok sa isyung pang-kampus at pambansang isyu?

Kailangang tandaan natin na tayong mga estudyante ngayon ng UP ang siyang huhubog sa susunod sa isang daan taon ng Unibersidad ng Pilipinas. Tayo ang huhubog kung ano na ba ang magiging komposisyon at katangian ng UP. Kung ito ba ay nagsisilbi parin sa interes ng sambayanan. Kung ito ba ang siya paring nagiging tahanan ng mga kabataang may talino at kagalingan sa iba’t-ibang larangan. Kung ito ba ay may tinutungtungan na prinsipyo na ang edukasyon ay isang karapatan at hindi pribilehiyo. Kung ito ba ay may katangian na nagbibigay ng dekalidad at abot-kayang edukasyon sa mga iskolar ng bayan.

Mga iskolar ng bayan, tugunan natin ang hamon ng ating panahon.

Ipaglaban natin ang mga demokratikong karapatan natin sa pamantasan. Ipaglaban natin ang karapatan na mag-organisa, magkaroon ng representasyon sa pangkat na gumagawa ng mga polisiya at magkonsulta sa bawat polisiya na makaka-epekto sa interes ng mga estudyante.

Bakit nga ba may tambayan phase-out?

Bakit nga ba hindi na pwedeng gumamit ng mga pasilidad sa campus ang mga organisasyon para makapaglunsad ng kanilang aktibidad?

Bakit ba marami pang mga organisasyon ang hindi pa narerecognize?

Bakit nga ba walang paring lumalabas na issue ng UPLB [P]erspective?

Bakit nga ba nadelay ang pag-aapoint sa EIC ng [P]?

Bakit nga ba wala paring USC-CSCs elections na nailulunsad?

Bakit nga ba nawala na ang mga ambulant vendors?

Bakit nga ba may jeepney rerouting schemes?

Bakit nga ba may mga gumagalang CSB?

Bakit nga ba naka-amba ang Eco-tourism sa campus?

Bakit nga ba may pinapatupad na large-lecture class?

Bakit nga ba pag-kahaba haba ng pila sa SLB?

Bakit nga ba may rebracketing ng STFAP?

Bakit nga ba may Tuition and Other Fee Increases?

Bakit nga ba komersalisado na ang edukasyon?

Maraming mga panawagan sa bawat tanong na iyan. Maraming mga isyu na dapat nang tugunan ng bawat iskolar ng bayan sa loob pa lang ng campus.At marami parin tayong dapat tugunan na isyu sa pambansang antas kung saan ang pwersa ng mga estudyante ng UP, ang pwersa ng mga kabataan ang siyang pangunahin at pinakamalaking pwersa upang maisulong ang malawakan na pagbabago ng lipunan.

Para sa mga gustong magkaroon ng mas malalim pang pagtingin, iniimbitahan ko kayo sa talakayan na magaganap sa ika-7 ng hulyo (lunes) sa CDC/Devcom Steps sa ganap na 5:30 ng hapon. Ito po ay ambag ng CDC Student Council at Center for Nationalist Studies.

Ito ay isang bahagi sa serye ng mga pagkilos ng mga iskolar ng bayan upang tugunan ang hamon ng kasalukuyang panahon.

Mabuhay ang mga tunay na Iskolar ng Bayan.

MAG-ARAL. MAGLINGKOD. MANGAHAS MAKIBAKA.

Lumubog ka na ba sa putik?

Pam — Sun, 20 Apr 2008 06:25:09 +0000

Oo, matagal nang may krisis sa bigas. Yaw mo bang maniwala? Bakit hindi ka sumama at makisalamuha sa mga magsasaka? Sila ang mga tunay na nakakaalam at nakakaranas sa deka dekadang problema sa agrikultura.

pasaway na estudyante, tapat na Pilipino.

Pam — Sun, 20 Apr 2008 04:28:20 +0000

Habang mumamartsa ang nakakulong na senador-sundalo sa Makati.

Nandito ako sa bahay, nakaupo; nag-iisip ng mga hinagpis ko sa buhay.

Hindi ako pumasok ngayong araw. Isang laboratory at isang lecture ang aking nalibanan.

Pasaway na estudyante.

Habang ang mga Magdalo ay nasa Manila Peninsula.

At tinatawag ang suporta ng mga kapwa sundalo, mga pulis at ng sambayanan.

Nandito ako sa bahay, nakaupo; nag-iisip ng mga hinagpis ko sa buhay.

Hindi ako pumasok ngayong araw. Isang laboratory at isang lecture ang aking nalibanan.

Pasaway na estudyante.

Habang pinaglalabanan nila ang kinabukasan ng ating bayan.

Nandito ako sa bahay, nakaupo; nag-iisip ng mga hinagpis ko sa buhay.

Hindi ako pumasok ngayong araw. Isang laboratory at isang lecture ang aking nalibanan.

Pasaway na estudyante.

Habang mumamartsa, Nandito ako nakatunganga.

Habang nananawagan, Nandito ako nakaupo’t puno ang bibig at hindi makapagsalita.

Habang pinaglalaban ang kalayaan, Nandito ako at nag-iisip at nangangamba sa kinabukasan.

Magiting na sundalo. Pasaway na estudyante.

Tapat na Pilipino at Tapat na Pilipino.

Bakit? Tila ba magkaiba?

Nakatunganga sa pag-iisip may direksyon at katuturan ba ang aking pagpusta sa pagsabak sa paglasap ng mga ekspektasyon ng iba.

Nakaupo’t puno ang bibig sa paglunon ng katotohanan marami ang problemang aking dinadala at aking nakikita.

Nag-iisip at nangangamba, ano pa nga ba ang magagawa ko sa aking bayan.

Nakatunganga, Naka-upo’t puno ang bibig.

Nag-iisip at Nangangamba.

Hindi ba dapat ganito ang tapat na Pilipino?

Marahil, nakaliban ako ng isang laboratory at isang lecture.

Tatlong oras at isa pang oras na ang nasayang sa responsibilidad ko bilang isang estudyante na pinag-aaral ng bayan.

Marami ako matututunan sa Tatlong oras at sa isa pang oras.

Ngunit hindi ba dapat mas mahusay, na tunay ko malaman at matutunan kung ano nga ba tunay na buhay. Ang reyalidad sa labas ng apat na sulok ng isang paaralan.

Buhay na talaga naman dapat paglanan ng lahat ng kanilang mga natutunan.

Panahon ko na, na makibaka.

pasaway na estudyante, tapat na Pilipino.

Nobyembre 29, 2007